مقدمة







يوميات كاتب فاشل 


 سيد بشير 

ايوه أنا قررت أخيرا أظهر بمدونة بتتكلم عن الكاتب الفاشل - اللي هو انا - قررت تبقي حياتي مختصرة ف ورقة وقلم وكتاب ،وملف وورد ، واللي مش عجبه يعرفني وانا بالحالة دي من الجنان ،مش هيأثر كتير ، ولا هيتأثر كتير طبعا .
في البداية  ... مش هتكلم غير عن وصفي الفعلي عشان انا مش بحب أفضل محتفظ بعقدي لوحدي لازم تطلع علي البني آدمين ، واللي مش عايز يقرا براحته جدا .
انا اسمي سيد ، بعرف أكتب ؟؟ .. ده مش سؤال ليكم ده ليا ... وأنا من جوايا بقول إن أي حد ف الكون عنده عقل وعين وودان ، بيعرف يكتب حتي لو ما كانش متعلم ..
المواصفات الشخصية 
* مش مثقف ... ولا عمري حبيت كلمة مثقف دي 
* قاري ... ومهما قريت كتب لسه ما قريتش حاجه 
* أصولي جدا ... مصاب بشيزوفرينيا المجتمع المصري ... 
يعني " ممكن أوافق ان بنت اعرفها تدخن ... انما اختي استحالة "
* ديكتاتور جدا ... ومتسلط ... 
* طيب ... دي مش حقيقة برغم اعتراف اللي حواليا بوجود الصفة دي ، ولو الصفة دي موجوده بالفعل فأنا دايما برفضها " من ضمن اعراض الشيزوفرينيا " 
* بعرف أعمل حاجات كتير ... "في محاولة لمقاومة الفشل الملاصق لي " 
* كسووووووووووول جدا .... برغم إني متحرك جدا ... وبعمل حاجات كتير قوي .
* أهم صفة عندي أنا شايف إني دايما متأخر عشان كده بعمل كل حاجه بسرعة ، وخصوصا إني هموت بسرعة ... مش بنام عشان كده ، ما باكلش عشان كده .
* بكره اوي إني اتعلق بحد ، وأكره إن حد يتعلق بيا .
* برغم اني شخص مقيد ... " بمزاجي " تابوهاتي معروفة جدا ومحدده ،بصفتي شخص كلاسيكي ،إلا إني أظهر كشخص متمرد ورافض للقيود .
* لا أسرار في حياتي ... ومش بحبها ... 
*
*
*
بعد شوية الصفات الخنيقة دي .... أحب أقولكم إني إن شاء الله كل يوم هحكي حكاية من حكايات الكاتب الفاشل ... لو قريت وعجبتك ... ابقي علق ... أو اتناقش معايا ... ولو مختلف معايا حقك ... وممكن اتناقش حتي لو أنا رافض اللي انت بتقوله ... لان النقاش دي فايدته إنك تسمع الغير متفق معاك ف الرأي ... 
سلام عليكم
الكاتب الفاشل 

تعليقات

إرسال تعليق

المشاركات الشائعة من هذه المدونة

أزمة أخلاق

صورة
لن ينسي أحد منا هذا الشخص "مسعود أبو السعد " والذي جسده فؤاد المهندس – الله يرحمه – في فيلم أرض النفاق ، والذي لم يكن مسعود علي الإطلاق ؛بمقابلته لهذا التاجرالبائس التعيس الذي أهداه بضاعته البالية والمسماة بالأخلاق . الأخلاق لم تكن أبدا سلعة إلا في هذا العصر ، فالصدق والشجاعة والجرأة ، وغيرها من صفات أخلاقية لم تعد مهمة في هذا العصر ، وقد تجسد هذا الهم في شخصية مسعود الذي فور استخدامه لهذه الحبوب أصبح متعوسا وتدهور به الحال ،فما كان منه إلا أن يلجأ إلي الصفات الرذيلة لتقيه شرور من حوله . ومجتمعنا اليوم بعد ان انكشف عنه الحجاب السياسي في يناير الثورة ، لم يعد يري في نفسه حرج من إظهار مشاعره وأخلاقه الحقيقية ، فالشعب الذي نجح – زعما - في اسقاط نظام متغلغل منذ عهود ، هو ذاته الذي استطاع ان يكشف عورته الاخلاقية امام العالم أجمع ، ويفجر ماسمي بظاهرة التحرش "الثورية " والتي نبعت من التجمعات والتي تم تضخيمها إلي حد أن أصبحت هوسا ،وبالنظر إلي هذه الظاهرة من ذي قبل نعي أنها كانت نتاج تصرفات فردية ، وبدأت في الانتشار بعد ظهور الألفاظ النابية علي مواقع التواصل الا
قراءة المزيد

اللـــعبــة

صورة
ملحوظة ، الكتابة بهذا الشكل وبهذه اللغة متعمدة بمناسبة العيد  الأضحي المبارك ،والأجازة الطويلة ، وكل سنة وانتوا جميعًا طيبين ؛ قررت ألعب  معاكم لعبة وأتمني تعجبكم ، بس طبعًا قبل ما نلعب هنفتح الورقة اللي بتمثل دليل اللعبة ،عشان نعرف منها شروط اللعبة ، وقواعد اللعبة ، وياسلام لو اللعبة ليها حدوتة .. اسم اللعبة : اللا إله شروط اللعبة : - ما تحسبش الزمن "لاتحسب الزمن "، وماتفكرش فيه "لاتفكر فيه "، وياريت تنسي انت عايش ف أنه زمن أصلا" انسي الألفية الثانية والثالثة والرابعة "  . - وسع دماغك وماتضيقهاش .. بمعني أدق وسع صدرك حبتين . - خليك فاكر إني بلعب اللعبة دي معاك يعني أنا وأنت  في نفس الفريق "صديق ولست عدو " . مكان اللعبة : كوكب الأرض بأكمله . الزمن اللازم للعب : منذ بداية الخلق وحتي يمل اللاعبون  أو تنفذ بطارية روحهم  . عدد اللاعبين : صدقني وإحنا بنلعب هتكتشف إن العالم كله بيلعب نفس اللعبة ،في نفس الوقت . حكاية اللعبة : بعد أن خلق الله آدم ،وهبط هو وزوجته اللي ما حدش أكد إن اسمها حواء للأرض ، واتقابلوا
قراءة المزيد

الحلقة الأولي

صورة
  مقاهي وسط العاصمة للمثقفين  طول عمري ف المنفي اللي كنت ساكن فيه ،أسمع من الأكبرمني- من مثقفين المنطقة .. اللي بلوني ببلوة القراية والكتابة -  عن مقاهي  وسط العاصمة العامرة بالمثقفين ، حيث يتجاذبون أطراف الأحاديث الثقافية الشيقة ، ويتابعون كل ماهو جديد ، وكذلك حين كنت أقرأ لأحد الكتاب وأجده يتحدث عن هذه المقاهي ويصف عالم المقهي بأنه عالم متفرد بذاته له خصوصيته برغم عمومه ، برغم أن كل الأحاديث الخاصة مسموعة للعامة ، وأن كل سر يصبح في ميكروفون إلا أنها كانت محور ارتكاز العديد من القصائد والروايات والمقالات والقصص القصيرة ، وكأن العالم يدور في فلك تلك المقاهي . ** شعور داخلي يسيطر علي عقل كل منا أنه إن تجرأ ودخل إلي تلك المقاهي فسيشاهد مباريات ثقافية حامية ، قد تؤدي إلي فشل ذريع في أولي خطواته نحو عالم المثقفين ** مرت سنين وتجرأت أخيرا علي دخول تلك المقاهي ، فقد أعددت العدة وأخذت ألتهم الكتب التهاما ، وشرعت أتباري في مناقشة أقراني بمنطقتي ، ومن هم اكبر مني سنًا .. حتي شعرت أني ذو سطوة وحكمة بينهم ، فشددت رحالي إلي مقاهي وسط العاصمة حيث الصخب الثقافي ،والمعلومات المتبادلة ، ول
قراءة المزيد